నియామకాల్లో నిబంధనల ఉల్లంఘన ఉండడానికి వీలు లేదని జిల్లా కలెక్టర్ ఓ.ఆనంద్ ఆదేశించారు. అనంతపురం కలెక్టరేట్ లోని రెవెన్యూ భవనంలో శుక్రవారం రాత్రి 7 గంటల సమయం లో జిల్లా మహిళా శిశు సంక్షేమ శాఖ (ఐసిడిఎస్)పై జిల్లా కలెక్టర్ సమీక్ష నిర్వహించారు.ఈ సందర్భంగా జిల్లా కలెక్టర్ మాట్లాడుతూ ఐసిడిఎస్ లో ఖాళీలను భర్తీ చేసేందుకు నోటిఫికేషన్ ఇవ్వాలన్నారు. ఐసిడిఎస్ పరిధిలో జిల్లాలో వర్కర్లు 36, హెల్పర్లు 68 మంది కలిపి మొత్తం 104 పోస్టులకు సంబంధించి ఖాళీలను భర్తీ చేయాలని, ఈ విషయమై రోస్టర్లు సక్రమంగా పెట్టి వచ్చే మూడు, నాలుగు రోజుల్లో ఫైల్ సర్క్యులేట్ చేయాలన్నారు.