ଆଜି ଅପରାହ୍ନ ୨ଟା ସମୟରେ ବଲାଙ୍ଗିର ଜିଲ୍ଲାପାଳ ଯୋଗୀସର୍ଡା ସ୍ଥିତ ପ୍ରାଥମିକ କୃଷି ସମବାୟ ସମିତି, ପିଏସିଏସ୍କୁ ପରିଦର୍ଶନ କରିଥିଲେ। ସେଠାରେ ଚାଲୁଥିବା ଧାନ କ୍ରୟ ବ୍ୟବସ୍ଥାର ସଠିକ୍ ପରିଚାଳନା, ଓଜନ ପ୍ରକ୍ରିୟା, ଟୋକେନ ବଣ୍ଟନ ଓ ଚାଷୀମାନଙ୍କ ସୁବିଧା ସମ୍ପର୍କରେ ଜିଲ୍ଲାପାଳ ତଦାରଖ କରିଥିଲେ। ଚାଷୀମାନଙ୍କ ସହ ସିଧାସଳଖ ଆଲୋଚନା କରି ତାଙ୍କ ସମସ୍ୟା ଶୁଣିଥିଲେ ଏବଂ ଧାନ କ୍ରୟ ପ୍ରକ୍ରିୟା ସୁଚାରୁ ଭାବେ ଚାଲିବାକୁ ସମ୍ପୃକ୍ତ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ।