ଦେବଗଡ: ଜିଲ୍ଲାର ଛଅ ଶହ ପରୀକ୍ଷା କେନ୍ଦ୍ରରେ ମୌଳିକ ସାକ୍ଷରତା ଓ ସଂଖ୍ୟାଜ୍ଞାନ ପରୀକ୍ଷା ଦେଲେ ୧୩୮୧୫ ଶିକ୍ଷାର୍ଥୀ
ନିରକ୍ଷରଙ୍କୁ ସାକ୍ଷର କରାଯିବା ନିମନ୍ତେ ଶିକ୍ଷା ବିଭାଗ ଆନୁକୂଲ୍ୟରେ ଉଲ୍ଲାସ କାର୍ୟ୍ୟକ୍ରମ ଆରମ୍ଭ ହୋଇଅଛି। ଏହି କ୍ରମରେ ନବ ଭାରତ ସାକ୍ଷରତା କାର୍ୟ୍ୟକ୍ରମ ଅନ୍ତର୍ଗତ ମୌଳିକ ସାକ୍ଷରତା ଓ ସଂଖ୍ୟାଜ୍ଞାନ ପରୀକ୍ଷା ଦେବଗଡ ଜିଲ୍ଲାର ତିନୋଟି ବ୍ଲକରେ ପ୍ରାୟ ୬୦୦ ପରୀକ୍ଷା କେନ୍ଦ୍ରରେ ଆଜି ଦିନ ପ୍ରାୟ ୨ ପର୍ଯ୍ୟନ୍ତ ଅନୁଷ୍ଠିତ ହୋଇଯାଇଛି। ଜିଲ୍ଲା ଶିକ୍ଷା ବିଭାଗର ପୂର୍ବ ପ୍ରସ୍ତୁତି ଅନୁଯାୟୀ ଜିଲ୍ଲା ଓ ବ୍ଲକ ସ୍ତରରେ ଗୋଷ୍ଠୀ ଶିକ୍ଷା ଅଧିକାରୀ, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ, ସି.ଆର.ସି.ସି. ,ନୋଡାଲ ପ୍ରଧାନ ଶିକ୍ଷକ ମାନଙ୍କୁ ନେଇ କର୍ମଶାଲା ଆୟୋଜିତ ହୋଇଥିଲା ।