नागपूरच्या हिवाळी अधिवेशनावर धडक देणाऱ्या राज्यव्यापी मोर्चासाठी धुळे जिल्ह्यातील पोलीस पाटील सज्ज झाले आहेत. आज सोनगीरहून शेकडो पोलीस पाटील घोषणांच्या गजरात नागपूरकडे रवाना झाले. केवळ आश्वासनांवर असंतोष वाढल्याने राज्याध्यक्ष शिवाजीराव कोलते पाटील यांच्या नेतृत्वाखाली हा एल्गार पुकारला आहे. सन्माननिधी, भरतीत आरक्षण, निवृत्ती वय ६५, पदाचे नूतनीकरण रद्द करणे आणि विमा-आरोग्य कवच अशा पाच मागण्यांसाठी ते विधानभवनावर मोर्चा काढत आहेत.