ଝାରସୁଗୁଡା: ବ୍ରଜରାଜନଗର ଫରେଷ୍ଟ ରେଞ୍ଜ ଅଞ୍ଚଳକୁ ବଣୁଆ ହାତୀ ଆସିଥିବା ନେଇ ଚର୍ଚ୍ଚା,ବିଭିନ୍ନ ସ୍ଥାନର ଚାଷଜମିରେ ହାତୀ ପାଦଚିହ୍ନ,ଲୋକେ ଭୟଭୀତ
ଝାରସୁଗୁଡା ଜିଲ୍ଲା ଲଖନପୁର ଅଞ୍ଚଳରେ ଗତ କିଛିଦିନ ଧରି ବଣୁଆ ହାତି ଉପଦ୍ରବ ଲାଗିରହିଥିବା ବେଳେ ଆଜି ଏଥିରେ ଦେଖିବାକୁ ମିଳିଛି ନୂଆ ଟୁଇଷ୍ଟ। ଆଜି ବ୍ରଜରାଜନଗର ଫରେଷ୍ଟ ରେଞ୍ଜ ଅଞ୍ଚଳକୁ ଏକ ହାତୀ ଆସିଥିବା ନେଇ ଚର୍ଚ୍ଚା ହେଉଛି। ଏପରିକି ଲୋଇସିଂହ ଗ୍ରାମପଞ୍ଚାୟତ ବଘିଆବେର୍ଣା,କଦଲିମୁଣ୍ଡା ଅଞ୍ଚଳର ଚାଷ ଜମିରେ ଆଜି ସକାଳ ପ୍ରାୟ ସାଢ଼େ ସାତଟା ସମୟରେ ହାତୀ ପାଦଚିହ୍ନ ଦେଖିବାକୁ ମିଳିଛି। ଆଜି ଗୁରୁବାର ସକାଳେ ଏହି ଅଞ୍ଚଳର ଚାଷ ଜମିରେ ହାତିପାଦ ଚିହ୍ନ ଦେଖି ଲୋକେ ଭୟଭୀତ ହୋଇଯାଇଛନ୍ତି। ତେବେ ବଣୁଆ ହାତୀ ଆସିଥିବା ଜାଣି ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି।