ନିମ୍ନ ଇନ୍ଦ୍ର ଜଳସେଚନ ପ୍ରକଳ୍ପରୁ ଆସନ୍ତା ରବି ଋତୁରେ ଜଳ ଯୋଗାଣ ଦାବିରେ ଚାଷୀମାନେ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ବଙ୍ଗୋମୁଣ୍ଡା ତହସିଲ ଅଧୀନ ଚୁଲିଫୁଙ୍କା ସେବା ସମବାୟ ସମିତି ଅଞ୍ଚଳର ଚାଷୀମାନେ ମଧ୍ୟମ ଧରଣର ଧାନ ସହ ମକା, ଗହମ, ଚିନାବାଦାମ, ଆଳୁ ଓ ପନିପରିବା ଚାଷ ପାଇଁ ଅନ୍ତତଃ ତିନି ମାସ ଜଳ ଯୋଗାଣ ଘୋଷଣା କରିବାକୁ ଦାବି କରିଛନ୍ତି। ଏହାସହ ପାଣିପାଞ୍ଚାୟତ କମିଟିର ପୁନର୍ଗଠନ ଓ ପ୍ରକୃତ ଚାଷୀଙ୍କୁ ସ୍ଥାନ ଦେବା ଦାବି ଉଠିଛି। ଦାବି ପୂରଣ ନ ହେଲେ ଆଗାମୀ ଦିନରେ ଆନ୍ଦୋଳନ ତୀବ୍ର ହେବ ବୋଲି ଚେତାବନୀ ଦେଇଛନ୍ତି ଚାଷୀମାନେ।