ରେମୁଣା ବ୍ଲକ ଦୁର୍ଗାଦେବୀ ପଂଚାୟତର ଚଳିତ ବର୍ଷ ବନ୍ୟାରେ ଶହେ ଏକରରୁ ଅଧିକ ଖରିଫ ଧାନ ଚାଷ ନଷ୍ଟ ହୋଇଛି।ଏ ନେଇ କ୍ଷତିଗ୍ରସ୍ତ ଚାଷୀମାନେ ବୁଧବାର ପୂର୍ବାହ୍ନ ୧୧.୩୦ ମି.ସମୟରେ ରେମୁଣା ବ୍ଲକ ସମ୍ମୁଖରେ ଧାରଣାରେ ବସିଥିଲେ।ପ୍ରତିବର୍ଷ ପରି ଦୁର୍ଗାଦେବୀ ପଂଚାୟତର ଉଦୟପୁର, ବରକୋଳି ଓ ଦେଓଖଣ୍ଡ ମୌଜାର ଶହେ ଏକରରୁ ଉର୍ଦ୍ଦ ଚାଷ ଜମି ପାଣିରେ ବୁଡ଼ି ଯିବା ଫଳରେ ଧାନଚାଷ ନଷ୍ଟ ହୋଇ ଯାଇଛି। ସେମାନଙ୍କର ଚାଷ ଜମିକୁ ପ୍ରଧାନମନ୍ତ୍ରୀ ଫସଲ ବୀମାରେ ଅନ୍ତର୍ଭୁକ୍ତ କରିଥିଲେ ମଧ୍ୟ କୌଣସି ବୀମାରାଶି ପାଇପାରୁ ନାହାଁନ୍ତି।