ଖଲ୍ଲିକୋଟ୍: ବଳିଆରସିଂ ବନ୍ଧ ନିକଟ ରାସ୍ତାରେ ଯାତ୍ରୀବାହୀ ଅଟୋ ସହ ଡାଲା ଗାଡ଼ି ଧକ୍କା, ଜଣେ ମହିଳା ଯାତ୍ରୀ ଗୁରୁତର ଆହତ, ମେଡ଼ିକାଲରେ ଭର୍ତ୍ତି
Khalikote, Ganjam | Oct 22, 2025
ଖଲ୍ଲିକୋଟ ସ୍ଥିତ ବଳିଆରସିଂ ବନ୍ଧ ନିକଟ ରାସ୍ତାରେ ଆଜି ଯାତ୍ରୀବାହୀ ଅଟୋ ସହ ଏକ ଡାଲା ଗାଡ଼ି ଧକ୍କା ହୋଇଥିବା ବେଳେ ଜଣେ ମହିଳା ଯାତ୍ରୀ ଗୁରୁତର ଆହତ ହୋଇଥିବା ସୂଚନା ମିଳିଛି । ମିଳିଥିବା ସୂଚନା ଅନୁଯାୟୀ ଆଜି ଦିନ ପ୍ରାୟ ସାଢ଼େ ୧୦ ଟା ସମୟରେ ଖଲ୍ଲିକୋଟ ପଟୁ ତୋଟା ଗାଁ ଅଭିମୁଖେ ଯାଉଥିବା ଏକ ଯାତ୍ରୀବାହୀ ଅଟୋ ହଠାତ୍ ବଳିଆରସିଂ ବନ୍ଧ ନିକଟ ରାସ୍ତାରେ ଏକ ଡାଲା ଗାଡ଼ି ସହ ଧକ୍କା ହୋଇଥିଲା । ଯାହା ଫଳରେ ଅଟୋ ରେ ଥିବା ଜଣେ ମହିଳା ଯାତ୍ରୀ ଗୁରୁତର ଆହତ ହୋଇଥିଲେ । ତାଙ୍କୁ ପ୍ରଥମେ ଖଲ୍ଲିକୋଟ ପରେ ବ୍ରହ୍ମପୁର ବଡ଼ ମେଡ଼ିକାଲ କୁ ସ୍ଥାନାନ୍ତର କରାଯାଇଛି ।