धुळे महानगरपालिका निवडणूक जाहीर होताच शहराच्या राजकारणात मोठा उलटफेर पाहायला मिळाला आहे. चाळीसगाव रोड परिसरात पार पडलेल्या एका भव्य सोहळ्यात आज महाविकास आघाडीच्या बड्या नेत्यांनी भारतीय जनता पक्षात प्रवेश केला. जिल्ह्याचे पालकमंत्री जयकुमार रावल यांच्या उपस्थितीत झालेल्या या पक्षप्रवेशामुळे निवडणुकीच्या तोंडावर भाजपची ताकद वाढली असून, विरोधकांसाठी हा मोठा धक्का मानला जात आहे.