लातूर-महानगरपालिकेच्या नावावर आयुक्तांच्या बनावट स्वाक्षऱ्या करून लिपिक पदावर नियुक्तीपत्रे दिल्याचा धक्कादायक प्रकार उघडकीस आला असून यानंतर मनपा आयुक्त माणसी मीना यांनी तातडीने कारवाईचे आदेश देत शिवाजीनगर पोलिसांना गुन्हा दाखल करण्यासाठी कळविले आहे. मनपाने सायंकाळी अंदाजे ५.३० वाजता तातडीची माहिती प्रसारमाध्यमांना देत नागरिकांना सावध राहण्याचे आवाहन केले. मात्र या आयुक्ताच्या बनावट स्वाक्षरी प्रकरणाने मनपा हादरली असून मनपा आयुक्त माणसी मीना या खडबडून जागी होत त्यांची झोप उडालीआहे.