આજરોજ ગાંધીધામ અને અંજાર સહિતના વિસ્તારોમાં પણ ગરમીની તીવ્રતા વધી હતી અને અંજારમાં મહત્તમ તાપમાન 37 ડિગ્રીએ પહોંચ્યું હતું. સવારથી જ સૂર્યનારાયણે આકરા તેવર દેખાડ્યા હતા. મધ્યાહ્ને કાળઝાળ ગરમી અનુભવાઇ હતી.ગુરૂવારથી મહત્તમ તાપમાન બેથી ત્રણ ડિગ્રી ઘટવાની સાથે ગરમીમાં આંશિક રાહત રહેશે તેવું પૂર્વાનુમાન હવામાન વિભાગે દર્શાવ્યું છે. તેની સાથે આગામી ત્રણ દિવસ સુધી કચ્છમાં યલો એલર્ટ પણ જારી કરાયું છે.