ବଲାଙ୍ଗୀର ଡିଷ୍ଟ୍ରିକ୍ଟ ଚାମ୍ବର ଅଫ କମର୍ସ ଆଣ୍ଡ ଇଣ୍ଡଷ୍ଟ୍ରି–ବିଡିସିସିଆଇର ବାର୍ଷିକ ସାଧାରଣ ସଭା ପୁଇଁତଳା ବ୍ଲକ ବ୍ରାହ୍ମଣୀପାଲି ସ୍ଥିତ ସୁଦାମା କୁଟୀରରେ ଅନୁଷ୍ଠିତ ହୋଇଛି। ଉପାଧ୍ୟକ୍ଷ ବୀରେନ୍ଦ୍ର କୁମାର ମିଶ୍ରଙ୍କ ଅଧ୍ୟକ୍ଷତାରେ ସଭା ପରିଚାଳିତ ହୋଇଥିଲା। ସମ୍ପାଦକ ଲଳିତ ମୋହନ ଚୌଧୁରୀ ବାର୍ଷିକ ବିବରଣୀ ଓ କୋଷାଧ୍ୟକ୍ଷ ବିକାଶ ଅଗ୍ରୱାଲ ଆର୍ଥିକ ରିପୋର୍ଟ ପ୍ରଦାନ କରିଥିଲେ। ସହସମ୍ପାଦକ ଆଶିଷ କୁମାର ରଥ ଆଗାମୀ ବର୍ଷର ଯୋଜନା ଓ ଲକ୍ଷ୍ୟ ଉପରେ ଆଲୋକପାତ କରିଥିଲେ। ସଭା ଶେଷରେ ସହସମ୍ପାଦକ ରିଙ୍କୁ ପାତ୍ର ଧନ୍ୟବାଦ ଅର୍ପଣ କରିଥିଲେ।