नागपूर-भंडारा हायवे एन.एच. ५३ वरील पलाडी फाट्याजवळ रस्ता ओलांडणाऱ्या एका ३९ वर्षीय महिलेच्या मुलाला एस.टी. बसने जोराची धडक दिल्याची घटना घडली आहे. १७ जानेवारी रोजी सकाळी ११:५५ च्या सुमारास फिर्यादी शबाना जमाल सुन्नी (रा. वारिसपुरा, कामठी) या आपल्या मुलासोबत बस स्थानकाकडे जात असताना, लाखनीकडून येणाऱ्या एस.टी. बस (क्र. MH 06 S 8192) च्या चालकाने आपल्या ताब्यातील वाहन निष्काळजीपणे व भरधाव वेगाने चालवून तरुणाला धडक दिली.