કોંગ્રેસ નેતા રાકેશ ઠાકોરે આને કોર્પોરેશનની ચૂંટણીના પગલે ઉતાવળે કરાયેલો ડ્રો ગણાવ્યો છે. તેમણે આરોપ લગાવ્યો છે કે કોર્પોરેશને લોકોને ખોટાં સ્વપ્ન બતાવ્યા છે અને કોન્ટ્રાક્ટર ધીમી ગતિએ, નબળી ગુણવત્તાનું કામ કરી રહ્યો હોવાથી લાભાર્થીઓને મકાન મળતાં હજી 2 વર્ષનો સમય લાગી શકે છે. હાલ, જે લાભાર્થીઓના નામે ડ્રો થયો છે, તેમને મકાનની ચાવી 6 મહિનામાં મળશે કે 2 વર્ષમાં, તે સૌથી મોટો સવાલ છે. લાભાર્થીઓ વહેલી તકે કામગીરી પૂરી કરવાની માંગ કરી રહ્યા છે.