भंडारा: दहशत कायम! ४५,००० ची लूट करणारे कोयताधारी चोरटे अद्यापही मोकाट ; विशेष म्हणजे, हा सर्व प्रकार सीसीटीव्हीमध्ये कैद!
कोंढा गावात गुरुवारी रात्री साडेनऊ वाजताच्या सुमारास झालेल्या थरारक दरोड्यामुळे परिसरातील व्यापारी वर्गात भीतीचे वातावरण कायम आहे. तोंड झाकलेल्या तीन चोरट्यांनी व्यापारी दीपक गांधी यांच्या दुकानात घुसून, थेट त्यांच्या गळ्याशी कोयता लावला आणि ४५,००० रुपयांची रोकड लंपास केली. या घटनेमुळे नागरिक संतप्त झाले आहेत, कारण हा संपूर्ण धाडसी प्रकार दुकानातील सीसीटीव्ही कॅमेऱ्यात स्पष्टपणे कैद झाला आहे. फुटेजमध्ये आरोपी कोयत्याचा धाक दाखवताना आणि गल्ला फोडून लूट करताना दिसत आहेत.