જુનાગઢ તાલુકાના સણાથા ગામથી ખડીયા જતા રસ્તા ઉપર પીઠાભાઈ એભાભાઈની વાડી પાસે માર્ગ અકસ્માતની ઘટના બની છે.બોલેરો વાહન ચાલકે બેદરકારી અને ઝડપી ગતિએ વાહન ચલાવી સામેથી આવતા મોટરસાયકલને ટક્કર મારી હતી.આ અકસ્માતમાં સણાથા ગામના રહેવાસી સવદાસભાઈ સરમણભાઈને જમણા પગ, ગાલ અને શરીરે નાની-મોટી ઇજાઓ પહોંચી છે.અકસ્માત સર્જ્યા બાદ આરોપી વાહન ચાલક ઘટનાસ્થળે વાહન મૂકી નાસી ગયો હતો.આ મામલે પોલીસે વાહન ચાલાક સામે ગુનો નોંધી વધુ તપાસ હાથ ધરી છે.