નવસારી જિલ્લાના ચીખલી માર્ગ અને મકાન પેટા વિભાગ દ્વારા જાહેર જનતાની સુરક્ષા અને સુગમ વાહનવ્યવહારને ધ્યાનમાં રાખી વિવિધ માર્ગોની વિકાસ કામગીરી હાથ ધરવામાં આવી છે. નાયબ કાર્યપાલક ઇજનેર, માર્ગ અને મકાન પેટા વિભાગ ચીખલીના માર્ગદર્શન હેઠળ સણવલ્લા ટાંકલ–રાનકુવા–રૂમલા–કરણજવેરી રોડ, કણભઇ કોઝવેથી ગોડથલ માર્ગ તેમજ ઝાડીફળિયા–વેલણપુર–કાકડવેલ–સુખાબારી રોડ પર બોક્સ કલ્વર્ટ અને સી.સી. રોડની કામગીરી શરૂ કરવામાં આવી છે.