जालना जिल्हा परिषदेचे उपमुख्य कार्यकारी अधिकारी राजपूत यांच्याविरोधात ग्रामपंचायत अधिकारी संघटनेने असहकार आंदोलन सुरू ठेवण्याचा निर्णय घेतला आहे. गुरुवार दि. 11 डिसेंबर 2025 रोजी दुपारी 4 वाजता मिळालेल्या माहितीनुसार मुख्य कार्यकारी अधिकारी मिन्नू पी. एम. यांच्या अध्यक्षतेखाली झालेल्या बैठकीत ग्रामपंचायत अधिकार्यांच्या विविध मागण्यांवर सकारात्मक चर्चा झाली. त्यातील काही मागण्या आणि समस्या सोडविण्याच्या तर काही टप्प्याटप्प्याने सोडविण्याचे आश्वासन मुख्य कार्यकारी अधिकारी यांनी दिले.