કાલોલ પોલીસ સ્ટેશનમાં વાર્ષિક ઇસ્પેક્શન ચાલી રહ્યું છે ત્યારે તેના અનુસંધાનમાં જીલ્લા પોલીસ વડા હરેશ દુધાતની અધ્યક્ષતામાં કાલોલના રાબોડ ગામે સોમવારે સાંજે છ કલાકે લોક દરબાર યોજાયો હતો.જેમાં સૌ પ્રથમ રાબોડ ખાતે સ્વામીનારાયણ મંદિરમાં દર્શન કર્યા હતાં.ત્યારબાદ લોકદરબાર શરૂ કરતાં તેમણે લોકોને સાયબર ક્રાઇમ, ફ્રોડ અને ટ્રાફિકના નિયમોને લઈને માહિતગાર કર્યા હતાં તેમજ વધુમાં તેમણે હાજર લોકોને પોતાની સમસ્યાઓ જણાવવા માટે જણાવ્યું હતું.