ଗତ ଦୁଇ ଦିନ ହେବ ବାମରା ତଥା ଆଖପାଖ ଅଞ୍ଚଳରେ ଭୋର ସମୟରେ ଘନ କୁହୁଡ଼ି ହେଉଥିବା ବେଳେ ଏଥିଯୋଗୁଁ ରାସ୍ତାରେ ଯାତାୟାତ କଷ୍ଟକର ହୋଇ ପଡ଼ିଛି। ସୋମବାର ସକାଳେ ମଧ୍ୟ ଧାରୁଆଡିହି ପଟରୁ ଏକ ଓମ୍ଫେଡ ପିକଅପ ଗାଡ଼ି ବାମରା ପଟକୁ ଆସୁଥିବା ବେଳେ ଘନ କୁହୁଡି ଯୋଗୁଁ ମଧୁପୁର ବୁଲାଣି ଠାରେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା। ଫଳରେ ଗାଡ଼ି ର ଆଗ ପଟ ଚୁରମାର ହୋଇ ଥିବା ବେଳେ ଏହି ଦୁର୍ଘଟଣାରେ ଗାଡ଼ି ଚାଳକ ଅଳ୍ପକେ ବର୍ତ୍ତି ଯାଇଛନ୍ତି। ଏନେଇ ସନ୍ଧ୍ୟା ୫ ଟାରେ ସୂଚନା ପ୍ରଦାନ କରାଯାଇଛି।