కేంద్ర ప్రభుత్వం నాలుగు లేబర్ కోడ్లను ఏకపక్షంగా ప్రకటించడాన్ని వ్యతిరేకిస్తూ దేశవ్యాప్త పిలుపులో భాగంగా కడప జిల్లా బద్వేల్ పాత మున్సిపల్ కార్యాలయం వద్ద బుధవారం సిఐటియు పట్టణ కమిటీ ఆధ్వర్యంలో నిరసన కార్యక్రమం నిర్వహించారు. ఈ సందర్బంగా లేబర్ కోడ్ ల అమలుకై ఇచ్చిన నోటిఫికేషన్ ప్రతులను దగ్ధం చేశారు. అనంతరం సిఐటియు పట్టణ కో-కన్వీనర్ కొండయ్య మాట్లాడుతూ లేబర్ కోడ్ల వల్ల కార్మిక సంఘాలు సుదీర్ఘ పోరాటాల ద్వారా ఎంతగానో కష్టపడి సాధించుకున్న 29 కార్మిక చట్టాలు నిర్వీర్యమవుతాయన్నారు.