सार्वजनिक वाचनालय बालभवनच्या वतीने आयोजित स्पर्धांमध्ये शहरातील १८५ विद्यार्थ्यांना पारितोषिक देऊन गौरविण्यात आले. औरंगाबादकर सभागृहात पार पडलेल्या या सोहळ्याला विद्यार्थ्यांसह पालकांची मोठी उपस्थिती होती. कार्यक्रमाची सुरुवात विद्यार्थ्यांसाठी जादूगार अभिजीत कन्नडकर यांनी सादर केलेल्या जादूच्या प्रयोगांनी झाली. त्यानंतर दीपप्रज्वलन करून कार्यक्रमाचा शुभारंभ झाला. प्रमुख पाहुण्यांचा सत्कार कार्याध्यक्ष संजय करंजकर व प्रमुख सचिव सुरेश गायधनी यांनी केला.