रायगड जिल्हा परिषद आणि पंचायत समिती सार्वत्रिक निवडणूक शांततेत पार पडावी यासाठी पोलिसांकडून समाजकंटकांवर कारवाईचा बडगा उगारण्यात आला आहे. जिल्ह्यात एक हजार १८४ जणांवर प्रतिबंधात्मक कारवाई करण्यात आली असून १८ जणांना जिल्ह्यातून तडीपार, तर एमपीडीए कायद्यांतर्गत एका व्यक्तीवर कारवाई केली आहे. निवडणूक कालावधीत कुठलाही अनुचित प्रकार घडू नये यासाठी प्रशासनाने व्यापक उपाययोजना सुरू केल्या आहेत.