ଅନୁଗୋଳ ଛେଣ୍ଡିପଦା ବ୍ଲକରେ ବୃଦ୍ଧି ପାଉଛି କଦଳୀ ଉତ୍ପାଦନ । ବର୍ତ୍ତମାନ କଦଳୀ ଫସଲ ଅମଳ ପରେ ଚାଷୀଙ୍କୁ ବଜାର ସୁବିଧା କି ଉପଯୁକ୍ତ ତାଲିମ ମିଳୁନଥିବାରୁ କ୍ଷତି ସହୁଛନ୍ତି ଚାଷୀ l ଏନେଇ କଦଳୀ ଚାଷୀଙ୍କ ଆୟ ବୃଦ୍ଧି କରିବା ପାଇଁ କଦଳୀ ଅମଳପରେ ଗଛର ଅବଶିଷ୍ଟ ଭାଗକୁ ଅପଚୟ ଉପ- ଉତ୍ପାଦରେ ପରିଣତ କରିବା ପାଇଁ ଲାଇଭହୁଡ ଅଲଟରନେଟିଭ ସହାୟତାରେ ମା ବାୟାଣୀ କୃଷକ ଉତ୍ପାଦନ ସଙ୍ଘର ୬୦ ଜଣ ସଦସ୍ୟଙ୍କୁ ନେଇ ଛେଣ୍ଡିପଦା ବ୍ଲକର ପିପଲବାହାଳ ଠାରେ ବାୟୋଉପଚାର ପ୍ରଯୁକ୍ତିବିଦ୍ୟା ପ୍ରଦର୍ଶନ ଏବଂ ତାଲିମ କର୍ମଶାଳା ଅନୁଷ୍ଠିତ ହୋଇଯାଇଛି l