કુદરતના ખોળે વસેલા અને પ્રવાસીઓના આકર્ષણનું કેન્દ્ર બનેલા માંડવી તાપી રિવરફ્રન્ટ પર હાલમાં એક ચિંતાજનક દ્રશ્ય સામે આવ્યું હતું. અહીં રિવરફ્રન્ટ પાસે કેમિકલયુક્ત ઘાટું વાદળી-ભૂરા રંગનું પ્રદૂષિત પાણી સીધું જ તાપી નદીમાં વહી ગયું છે. ભૂરા વાદળી કલરનું રંગીન પાણી તાપી નદીમાં ભળતાં રોષ ફેલાયો છે. આ અત્યંત પ્રદૂષિત અને રાસાયણિક પાણીનો પ્રવાહ રોકટોક વગર વહી રહ્યો છે અને હવે તે તાપી નદીના વિશાળ જળરાશિમાં સંપૂર્ણપણે ભળી ગયો છે.