रामकृष्ण गहाणे हे अंतरगाव येथील कष्टकरी शेतकरी. त्यांच्या मालकीची २ एकर शेती पिंपळगाव शिवारात असून, ठेक्याने घेतलेली तब्बल १६ एकर शेती आहे. यंदाच्या खरीप हंगामात त्यांनी १८ एकर शेतजमिनीत बारीक वाणाच्या विविध धान्यांची लागवड केली होती. दीर्घ प्रतीक्षेनंतर कापणीस तयार झालेलं पीक हार्वेस्टरच्या साहाय्याने कापून, मळणी करून त्यांनी लाखांदूर-वडसा राष्ट्रीय महामार्गालगत अंतरगाव येथे वाळविण्यासाठी ठेवले होते. मात्र २४ व २५ ऑक्टोबर रोजी झालेल्या अनपेक्षित परतीच्या पावसाने सर्व मेहनत वाहत गेली.