ଖାଦ୍ୟ ସୁରକ୍ଷା ଆୟୋଗର ଅଧ୍ୟକ୍ଷ ଶ୍ରୀ ଅବନିକାନ୍ତ ସାହୁ ବିରଜା ମନ୍ଦିର ପରିଦର୍ଶନ କରି ମା' ଙ୍କର ପୂଜାର୍ଚ୍ଚନା କରିଥିଲେ। ପରେ ସେ ଉପଜିଲ୍ଲାପାଳ ଶ୍ରୀ ତାପସ ରଞ୍ଜନ ଦେହୁରୀଙ୍କ ସହ ସୁକିନ୍ଦା ବ୍ଲକ ଗସ୍ତ କରି ବିଭିନ୍ନ ଯୋଜନାର କାର୍ଯ୍ୟକାରିତା ସମ୍ପର୍କରେ ସ୍ଥାନୀୟ ଅଧିକାରୀଙ୍କୁ ପଚାରି ବୁଝିଥିଲେ । ଜଣେ ଭିନ୍ନକ୍ଷମ ହିତାଧିକାରୀଙ୍କୁ ଦୁଇଚକିଆ ସାଇକେଲ ପ୍ରଦାନ କରିଥିଲେ । ପରେ ଅଧ୍ୟକ୍ଷ ଚିଙ୍ଗୁଡ଼ିପାଳ ଆଶ୍ରମ ସ୍କୁଲର ଶ୍ରେଣୀଗୃହ, ହଷ୍ଟେଲ ଓ କିଚେନ୍ ରୁମ୍ ପରିଦର୍ଶନ କରିଥିଲେ। ପିଲାମାନଙ୍କ ଖାଇବା ପିଇବା ସମ୍ପର୍କରେ ପଚାରି ବୁଝିଥିଲେ ।