પોતાની પડતર માંગણીઓ અને ખાસ કરીને 7માં પગાર પંચના લાભો મેળવવા માટે સફાઈ કર્મીઓએ પાલિકાના તમામ દરવાજા બંધ કરી દઈ સત્તાધીશોને બાનમાં લીધા હતા.બોર્ડ બેઠક શરૂ થતાની સાથે જ સફાઈ કામદારોએ 'જય ભીમ' ના નાદ સાથે આક્રમક દેખાવો કર્યા હતા.કર્મચારીઓએ પાલિકાના મુખ્ય દરવાજા અને સભાખંડના ગેટ બંધ કરી દીધા હતા. ઉગ્ર બનેલા કર્મીઓએ કોઈને પણ બહાર નીકળવા દીધા ન હતા.આવી પરિસ્થિતિ વચ્ચે કારોબારી ચેરમેન રાજેશ રાણાને પાલિકાની અગાસી પરથી મોબાઈલ ટાવર પરથી ભાગવું પડ્યું હતુ.