जिल्हा पोलिसांनी स्थानिक गुन्हे शाखेच्या माध्यमातून धडक कारवाई करत सोनसाखळी चोरी करणाऱ्या एका आंतरराज्य टोळीचा पर्दाफाश केला आहे. जयहिंदनगर पोलीस ठाण्याच्या हद्दीत घडलेल्या चोरीच्या गुन्ह्याचा तांत्रिक तपास करत असताना, पोलिसांनी धाडसी पाऊल उचलत थेट छत्तीसगड गाठले आणि तिथून चार अट्टल आरोपींना बेड्या ठोकल्या. या कारवाईत पोलिसांनी आरोपींकडून चोरीला गेलेली सोन्याची साखळी, रोख रक्कम आणि गुन्ह्यासाठी वापरलेले वाहन असा एकूण ६ लाख रुपयांचा मुद्देमाल जप्त केला आहे.