नेहरू मैदान रामटेक येथे 31 जानेवारी ते 2 फेब्रुवारी पर्यंत आयोजित तीन दिवसीय रामटेक सांस्कृतिक महोत्सवाची जय्यत तयारी अंतिम टप्प्यात असून शुक्रवार दि. 30 जानेवारीला सायंकाळी साडेपाच वाजताच्या दरम्यान कार्यक्रमस्थळी भव्य रंगमंच तयार करण्यात आला आहे.वाहनतळ तसेच संपूर्ण मैदानात बसण्याची व्यवस्था आहे. महाराष्ट्र शासनाचा सांस्कृतिक कार्य विभाग, सांस्कृतिक संचनालय व नागपूर जिल्हा प्रशासन यांच्या संयुक्त विद्यमाने या महोत्सवाचे आयोजन राज्यमंत्री आशिष जयस्वाल यांच्या प्रयत्नाने होत आहे.