जालना तालुक्यातील नेर येथे शंभर वर्षांची परंपरा असलेला कार्तिक मास उत्सव यावर्षी उत्साहात पार पडला. गुरुवार दि. 6 नोव्हेंबर 2025 रोजी दुपारी 4 वाजता मिळालेल्या माहितीनुसार नेर येथील श्री वटेश्वर मंदिरात ब्राह्मण समाजाच्या वतीने दरवर्षी कोजागिरी पौर्णिमा ते कार्तिक पौर्णिमा या एक महिन्याच्या कालावधीत भगवान श्री वटेश्वरास दररोज रुद्राभिषेक केला जातो. यानंतर कार्तिक पौर्णिमेच्या दिवशी महाप्रसादाने उत्सवाचा समारोप केला जातो. या एक महिन्याच्या धार्मिक उत्सवाची सांगता यंदाही उत्साहात झाली.