ଖଲ୍ଲିକୋଟ୍: କଇଠଡ଼ା ଗ୍ରାମରେ ବାଣ ଭିଡୁ ଥିବା ବେଳେ ବିସ୍ପୋରଣ; ଛିଣ୍ଡି ଗଲା ଯୁବକଙ୍କ ହାତ ଓ ଗୋଡ, ମେଡ଼ିକାଲ ନେବା ବାଟରେ ଯୁବକଙ୍କ ମୃତ୍ୟୁ
କଇଠଡ଼ା ଗ୍ରାମରେ ବଡ଼ ଅଘଟଣ । ଦୀପାବଳୀ ପାଇଁ ବାଣ ଭିଡୁ ଥିବା ବେଳେ ପ୍ରଚଣ୍ଡ ବିସ୍ପୋରଣ ଘଟି ଛିଣ୍ଡି ଗଲା ଯୁବକଙ୍କ ହାତ ଓ ଗୋଡ । ମେଡ଼ିକାଲ ନେବା ବାଟରେ ଯୁବକଙ୍କ ମୃତ୍ୟୁ । ମୃତ ଯୁବକ ଜଣଙ୍କ କଇଠଡ଼ା ଗ୍ରାମର ପିଣ୍ଟୁ ପଲେଇ । ସୂଚନା ଅନୁଯାୟୀ ଗତକାଲି ବିଳମ୍ବିତ ରାତି ପ୍ରାୟ ଗୋଟାଏ ସମୟରେ ପିଣ୍ଟୁ ନିଜ ଘରେ ବାଣ ଭିଡୁ ଥିବା ସମୟରେ ପ୍ରଚଣ୍ଡ ବିସ୍ପୋରଣ ଘଟିଥିଲା ।ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ୧୦୮ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ନିଆ ଯାଇଥିଲା । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।