ଗଞ୍ଜାମ ଜିଲ୍ଲା ଅନ୍ତର୍ଗତ ବେଗୁନିଆପଡା ବ୍ଲକର ଅଙ୍ଗାରଗାଁ ଗ୍ରାମ ତୋଟାସାହିର ଭୋକିଲି ସାହୁ ଓ ଶଶି ସାହୁଙ୍କ ୨୦ ବର୍ଷର ସାନପୁଅ 'ବିଜୟ' ଏବେ ରକ୍ତ କର୍କଟ ରୋଗରେ ପୀଡିତ। ବିଜୟର ଦେହ ଅସୁସ୍ଥ ହେବାରୁ ତାକୁ ବ୍ରହ୍ମପୁର ଏମ କେ ସି ଜି ନେବା ସହ ସେଠାରେ ତାର ରକ୍ତ ପରୀକ୍ଷା କରିବା ପରେ ରକ୍ତ କର୍କଟର ସନ୍ଧାନ ମିଳିଲା। ଏହା ଶୁଣି ବାପା ଓ ମାଆ ଙ୍କ ପାଦ ତଳୁ ମାଟି ଖସିଗଲା। ଆଖିର ଲୁହ ଅମାନିଆ ହୋଇଗଲା। ତଥାପି ପୁଅକୁ ବଞ୍ଚାଇବା ପାଇଁ ଧୈର୍ଯ୍ୟ ନେଇ ଭୁବନେଶ୍ୱର ସ୍ଥିତ କିମ୍ସ ହସ୍ପିଟାଲରେ ଭର୍ତ୍ତି କରାଗଲା। ବେଡ଼ ଉପରେ ଶୋଇ ବିଜୟ ପଚାରୁଛି କାହିଁକି ତାକୁ ସେଇଠିକୁ ଆଣିଲେ।