जागतिक महिला दिनाच्या निमित्ताने भारतीय जनता पार्टी महिला मोर्चाच्या पनवेल शहराध्यक्ष तथा पनवेल महानगरपालिकेच्या नगरसेविका रुचिता लोंढे यांच्या पुढाकारातून महिलांसाठी प्राचीन युद्धकला प्राथमिक प्रशिक्षण शिबिराचे आयोजन करण्यात आले आहे. पनवेल शहरातील लोकनेते दि.बा पाटील शाळेच्या मैदानावर हे शिबिर सुरू झाले असून ४ मार्च ते ११ मार्च या सात दिवसांच्या कालावधीत हे प्रशिक्षण दिले जाणार आहे. हे शिबिर विशेषतः मुली आणि महिलांसाठी आयोजित करण्यात आले असून दहा वर्षांवरील मुलींना सहभागी होता येणार आहे.