શ્રીલંકાના જનતા વિમુક્તિ પેરામુના (JVP) ના જનરલ સેક્રેટરી શ્રી તિલ્વિન સિલ્વાના નેતૃત્વમાં સાત સભ્યોના ઉચ્ચ સ્તરીય પ્રતિનિધિમંડળે આજે આણંદની મુલાકાત લીધી હતી. આ મુલાકાતનો મુખ્ય ઉદ્દેશ્ય ભારતના સફળ સહકારી માળખાને સમજવાનો અને તેમાંથી પ્રેરણા મેળવવાનો હતો. પ્રતિનિધિમંડળે અમૂલ ડેરી પ્લાન્ટની મુલાકાત લીધા બાદ આણંદ સ્થિત IRMA-“ત્રિભુવન” સહકારી યુનિવર્સિટી (TSU) કેમ્પસની મુલાકાત લીધી હતી.