ಸೊರಬ ತಾಲೂಕಿನ ಕ್ಯಾಸನೂರು ಸಮೀಪದಲ್ಲಿ ಹೊಳೆಕೊಪ್ಪ, ಬರಗಿ ಮಾರ್ಗವಾಗಿ ಸಾಗಿದ್ದ ಎರಡು ಕಾಡಾನೆಗಳು ಥರ್ಮಲ್ ಸ್ಕ್ಯಾನ್ ಡ್ರೋನ್ ಕಣ್ಗಾವಲಿಗೆ ಪತ್ತೆಯಾಗಿವೆ. ಹೀಗಾಗಿ ಎರಡನೇ ದಿನದ ಆನೆ ಓಡಿಸುವ ಕಾರ್ಯಾಚರಣೆಯನ್ನು ಅರಣ್ಯ ಇಲಾಖೆ ಭಾನುವಾರ ಬೆಳಿಗ್ಗೆ 11 ಗಂಟೆಯಿಂದ ಆರಂಭಿಸಲಾಗಿದೆ. ಕ್ಯಾಸನೂರು ಭಾಗದ ಕಾಡಿನ ಅಂಚಿನಲ್ಲಿ ಇರುವಂತ ಮನೆಯವರು, ಜಮೀನಿನ ರೈತರು ಎಚ್ಚರಿಕೆಯಿಂದ ಇರಬೇಕು. ಕಾಡಾನೆಗಳನ್ನು ಕಂಡು ಪಟಾಕಿ ಸಿಡಿಸುವುದನ್ನು ಮಾಡಬಾರದು. ಅವುಗಳನ್ನು ಬಂದ ಮಾರ್ಗದಿಂದಲೇ ಮರಳಿ ಕಳುಹಿಸುವ ಅರಣ್ಯ ಇಲಾಖೆಯ ಕಾರ್ಯಾಚರಣೆಗೆ ಕೈಜೋಡಿಸುವಂತೆ ಸಾಗರ-ಸೊರಬ ಡಿಎಫ್ಓ ಮೋಹನ್ ಕುಮಾರ್ ಮನವಿ ಮಾಡಿದ್ದಾರೆ.