ସୋର: କୃଷ୍ଣଚନ୍ଦ୍ରପୁର ଗ୍ରାମରେ ସ୍ୱାମୀ ହନ୍ତା ସ୍ତ୍ରୀକୁ ଗିରଫ କଲା ସୋର ପୁଲିସ
Soro, Balasore | Nov 26, 2025 ସୋର ଥାନା ମଧୁସୂଦନପୁର ପଞ୍ଚାୟତ କୃଷ୍ଣଚନ୍ଦ୍ରପୁର ଗ୍ରାମର ସ୍ୱାମୀକୁ ସ୍ତ୍ରୀ ପିଟି ପିଟି ହତ୍ୟା କରିଥିବା ଘଟଣାରେ ଅଭିଯୁକ୍ତ ସ୍ତ୍ରୀକୁ ଗିରଫ କରି ସୋର ପୁଲିସ କୋର୍ଟ ଚାଲାଣ କରିଛି।ସୂଚନା ଅନୁସାରେ ଏହି ଗ୍ରାମର ଋଷି ଦାସ (୪୬) ବିଭିନ୍ନ ସମୟରେ ମଦପାନ କରି ତାଙ୍କ ସ୍ତ୍ରୀ ଉର୍ମିଳା ଦାସଙ୍କୁ ମାଡ଼ ମାରନ୍ତି।ଗତ ସୋମବାର ରାତିରେ ଋଷି ମଦପିଇ ଘରେ ପହଞ୍ଚି ଉର୍ମିଳାଙ୍କୁ ମାଡ଼ ମାରିଥିଲେ। ଏଥିରେ ଅତିଷ୍ଠ ହୋଇ ଉର୍ମିଳା ଏକ କାଠ ଫାଳିଆରେ ତାଙ୍କୁ ପିଟୁ ଥିବା ବେଳେ ଏହା ତାଙ୍କ ମୁଣ୍ଡରେ ବାଜି ଯାଇଥିଲା ।ଘଟଣାସ୍ଥଳରେ ଋଷିର ମୃତ୍ୟୁ ହୋଇଯାଇଥିଲା ।