જૂનાગઢ: નરસિંહ મહેતા ચોરા ખાતે ૫૭૦મી ‘હારમાળા જયંતિ’ની ભવ્ય ઉજવણી કરાઈ
જૂનાગઢના ઐતિહાસિક નરસિંહ મહેતાના ચોરા ખાતે આજે નરસિંહ મહેતા ચોરા ટ્રસ્ટ દ્વારા માગશર સુદ સાતમના પાવન પર્વે ૫૭૦મી હારમાળા જયંતિની ધામધૂમથી ઉજવણી કરવામાં આવી હતી. આ ભક્તિમય અવસરે જૂનાગઢ ધારાસભ્ય સંજય કોરડીયા, શહેર ભાજપ પ્રમુખ અને પૂર્વ ડેપ્યુટી મેયર ગિરીશ કોટેચા સહિતના મહાનુભાવો ઉપસ્થિત રહ્યા હતા. કાર્યક્રમમાં ડો. રૂપલબેન માંકડ દ્વારા વ્યાખ્યાન અને ખુશાલી બક્ષી દ્વારા ભક્તિ સંગીતની રમઝટ બોલાવવામાં આવી હતી.