सोशल मीडियावर सध्या शहरात मुलांचे अपहरण करणारी टोळी सक्रिय असल्याच्या बातम्या आणि व्हिडिओ मोठ्या प्रमाणात व्हायरल होत आहेत. अशाच प्रकारे मुलांचे अपहरण करायला आल्याच्या संशयावरून आज एका वृद्ध महिलेला बेदम मारहाण करण्यात आली.मात्र, नागपूर पोलिसांनी या सर्व बातम्या फक्त अफवा असल्याचे स्पष्ट केले आहे. शहरात अशा कोणत्याही अपहरणाच्या घटना घडलेल्या नाहीत. त्यामुळे नागरिकांनी सोशल मीडियावरील अशा संदेशांवर विश्वास ठेवू नये.