शहरातील अंबिका नगर मधून जाणाऱ्या दिग्रस बायपास ते आठवडी बाजाराला जोडणाऱ्या पांदण रस्त्यावर असलेल्या पुरातन महालक्ष्मी मंदिरात मार्गशीर्ष महिन्यात भक्तांची मोठ्या प्रमाणात गर्दी उसळत असते. दरवर्षीप्रमाणे यंदाही प्रत्येक गुरुवारला महाआरतीनंतर दर्शनासाठी आलेल्या भाविकांची मोठी मांदियाळी असते. पहाटेपासूनच महिलांपासून ज्येष्ठांपर्यंत सर्व वयोगटातील भक्त दर्शनासाठी गर्दी करतात.