ସୋର: ଶିଙ୍ଗାଖୁଣ୍ଟା ପଞ୍ଚାୟତର ବିଭିନ୍ନ ସ୍ଥାନରେ ଅବକାରୀ ଚଢ଼ାଉ, ଦେଶୀମଦ ଜବତ ସହ ଚାରି ଗିରଫ
Soro, Balasore | Nov 28, 2025 ସୋର ଅବକାରୀ ବିଭାଗ ତରଫରୁ ଶିଙ୍ଗାଖୁଣ୍ଟା ପଞ୍ଚାୟତର ବିଭିନ୍ନ ସ୍ଥାନରେ ଚଢ଼ାଉ କରି ଦେଶୀମଦ ଜବତ କରିଥିବା ବେଳେ ଚାରି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ସୋର ଆଦର୍ଶ ଅବକାରୀ ଥାନାଧିକାରିଣୀ ପ୍ରଜ୍ଞାପ୍ରିୟା ନାୟକଙ୍କ ନେତୃତ୍ୱରେ ଏକ ଟିମ ଶିମିଳିଖୋଲ ଗ୍ରାମରେ ଚଢ଼ାଉ କରି କାର୍ତ୍ତିକ ଭକ୍ତା ନିକଟରୁ ୫୫ ଲିଟର, ଜଟିଆ ଭକ୍ତା ନିକଟରୁ ୫୦ ଲିଟର, କୈଳାଶ ସିଂ ନିକଟରୁ ୩୫ ଲିଟର ଦେଶୀମଦ ଏବଂ ସରଳିଆ ଗ୍ରାମର ସବିତା ସିଂ ନିକଟରୁ ୫୦ ଲିଟର ଦେଶୀମଦ ଜବତ କରିବା ସହିତ ସମସ୍ତଙ୍କୁ ଗିରଫ କରିଥିଲେ। ସୋର ମେଡିକାଲରେ ଡାକ୍ତରୀ ମାଇନା ପରେ ସମସ୍ତଙ୍କୁ କୋର୍ଟ ଚାଲାଣ କରାଯାଇଛି।