ସୋର: ଖଞ୍ଜାମାହାଲ ପଥର ଖାଦାନ ନିକଟରେ ବେଆଇନ ବ୍ଲାଷ୍ଟିଂ ବେଳେ ଚଢ଼ାଉ, ଜଣେ ଗିରଫ
Soro, Balasore | Nov 27, 2025 ସୋର ଥାନା ଖଞ୍ଜାମାହାଲ ପଥର ଖାଦାନରେ ବେଆଇନ ଭାବେ ବ୍ଲାଷ୍ଟିଂ କରିବାକୁ ପ୍ରସ୍ତୁତି ହେଉଥିବା ବେଳେ ଖଣି ବିଭାଗ ତରଫରୁ ଚଢ଼ାଉ କରାଯାଇ ଜଣକୁ ଥାନାରେ ଜିମାଦେଇଥିଲେ। ସୂଚନା ଅନୁସାରେ ଗତକାଲି ରାତିରେ ଖଞ୍ଜାମାହାଲ ପଥର ଖାଦାନ ନିକଟ ଏକ ସରକାରୀ ଜାଗାରେ ବ୍ଲାଷ୍ଟିଂ ପାଇଁ ପ୍ରସ୍ତୁତି ସରିଥିଲା।ଖବର ପାଇ କନିଷ୍ଠ ଖଣି ଅଧିକାରୀ ଜଗନ୍ନାଥ ଦାସ ସୋର ପୁଲିସ ସହାୟତାରେ ଅଚାନକ ଚଢ଼ାଉ କରିଥିଲେ। ଏହି ସମୟରେ ବ୍ଲାଷ୍ଟିଂ ପାଇଁ ପ୍ରସ୍ତୁତ ଥିବା ଗୋବିନ୍ଦପୁର ଗ୍ରାମର ଗୋପୀନାଥ ସିଂ (୪୩)କୁ ଧରିଥିବା ବେଳେ ଅନ୍ୟ ମାନେ ଚତୁରତାର ସହ ଘଟଣାସ୍ଥଳରୁ ଫେରାର ହୋଇ ଯାଇଥିଲେ।