ସୋର: ବଡ଼ଖୁରୀ ଗ୍ରାମରେ ଘରେ କେହି ନ ଥିବାର ସୁଯୋଗରେ କଳାକନା ବୁଲାଇଲେ ଦୁର୍ବୁର୍ତ୍ତ, ଥାନାରେ ଅଭିଯୋଗ
Soro, Balasore | Nov 29, 2025 ସୋର ପୌର ପାଳିକା ଅନ୍ତର୍ଗତ ବଡଖୁରୀ ଗ୍ରାମରେ ଦିନ ଦ୍ବିପ୍ରହରରେ ଜଣଙ୍କ ଘରୁ ଚୋର ମାନେ କଳାକନା ବୁଲେଇ ଦେଇଥିବା ଜଣାପଡିଛି। ସୂଚନା ଅନୁସାରେ ଏହି ଗ୍ରାମର ଭୀମ ଚରଣ ଘଡେଇ ଆଜି ମଧ୍ୟାହ୍ନରେ ପରିବାର ସହ ଉତ୍ତରେଶ୍ୱରରେ ସମ୍ପର୍କୀୟଙ୍କ ଘରକୁ ଏକ ଭୋଜିରେ ଯୋଗ ଦେବାକୁ ଯାଇଥିଲେ। ଏହି ସମୟରେ ଘରେ କେହି ନ ଥିବାର ସୁଯୋଗରେ ଦୁର୍ବୁର୍ତ୍ତ ମାନେ ଘର ଗ୍ରିଲ ଚାବି ଭାଙ୍ଗି ଘର ମଧ୍ୟରେ ପଶି ଭିତରେ ଥିବା ଏକ ଗଡ଼ରେଜ ଏବଂ ବାକ୍ସ ଚାବି ଭାଙ୍ଗି ନଗଦ ୧୦ ହଜାର ଟଙ୍କା ସମେତ ଝିଅ ବାହାଘର ପାଇଁ ରଖାଯାଇଥିବା ପ୍ରାୟ ୧୨ ଲକ୍ଷ ଟଙ୍କାର ସୁନା ଗହଣା ଚୋରି କରି ନେଇ ଫେରାର ହୋଇଯାଇଥିଲେ।