ମଣ୍ଡି ଉଦଘାଟନ ହେଉଛି, ହେଲେ ଅନେକ ମଣ୍ଡିରୁ ଉଠୁନି ଧାନ। ଲାଗିରହିଛି ଅଚଳାବସ୍ଥା । ଶୀତକାକରରେ ଧାନ ଭିଜୁଛି। ନିଘୋଡ ନିଦ୍ରାରେ ପ୍ରଶାସନ। ଗଞ୍ଜାମ ଜିଲ୍ଲାରେ ଏବେ ଏଭଳି ସ୍ଥିତି ଦେଖିବାକୁ ମିଳିଛି। ବିଭିନ୍ନ ଧାନମଣ୍ଡିରେ ଧାନ ଗଦା କରି ରାତି ଉଜାଗର ରହୁଛନ୍ତି ଚାଷୀ। କିନ୍ତୁ ମିଲର ଯୋଗାଣ ବିଭାଗ ସହ ଚୁକ୍ତି କରିନଥିବାରୁ ମଣ୍ଡିରୁ ଧାନ ଉଠିପାରୁନି। ଜିଲ୍ଲାର ଅଧିକାଂଶ ଚାଷୀଙ୍କୁ ଏଯାଏଁ ଟୋକନ ବି ମିଳିନି । ଫଳରେ ରାସ୍ତାକଡରେ ଧାନ ଗଦାକରି ରଖିଛନ୍ତି ଚାଷୀ। ଶନିବାର ମଧ୍ୟାହ୍ନରେ ଚିଙ୍ଗୁଡିଖୋଲ ଠାରେ ଏନେଇ ପ୍ରତିକ୍ରିୟା ରଖିଛନ୍ତି କିଛି ଚାଷୀ।