ସୋର: ସଂସ୍କୃତି ଭବନ ଠାରେ ରବୀନ୍ଦ୍ର ଦାସଙ୍କ କବିତା ନିର୍ଝର ପୁସ୍ତକ ଲୋକାର୍ପିତ
Soro, Balasore | Nov 23, 2025 ଲେଖକର ଭାବ ସହିତ ପାଠକର ଆବେଗ ସମ୍ମିଶ୍ରିତ ହେଲେ କବିତା ସଫଳତା ଲାଭ ପୂର୍ବକ କାଳଜୟୀ ହୁଏ। କବିତା ବୁଝିପାରେ ଦୁଃଖର ରଙ୍ଗ, ବେଦନାର ଗନ୍ଧ, କବିତା ବି ବୁଝିପାରେ ଆନନ୍ଦରଉତ୍ସ ବୋଲି ସୋର ସଂସ୍କୃତି ଭବନଠାରେ କବି ରବୀନ୍ଦ୍ର କୁମାର ଦାସଙ୍କ ପ୍ରଥମ କବିତା ପୁସ୍ତକ ‘କବିତା ନିର୍ଝର’ ଲୋକାର୍ପିଣ ଉତ୍ସବରେ ବକ୍ତାମାନେ ମତବ୍ୟକ୍ତ କରିଥିଲେ। ଗାଁ ମଜଲିସ୍ ସାହିତ୍ୟ ସଂସଦର ସଭାପତି ଡ. ରମାକାନ୍ତ ବେହେରାଙ୍କ ପୌରୋହିତ୍ୟରେ ଅନୁଷ୍ଠିତ ଏହି ଲୋକର୍ପଣ ଉତ୍ସବକୁ ବିଶିଷ୍ଟ ଗାଳ୍ପିକ ରଜନୀକାନ୍ତ ମହାନ୍ତି ଉଦ୍ଘାଟନ କରି କହିଲେ ଯେ କବିଟିଏ ଚାହେଁ କାବ୍ୟମୟ ହୋଇଯାଉ।