आज शनिवार दिनांक ३ जानेवारी २०२६ रोजी दुपारी १ च्या सुमारास मंत्री भरत भोगावले यांच्या उपस्थितीत नैसर्गिक आपत्ती अंतर्गत निवाराशेडचे भूमिपूजन माटवण, ता. पोलादपूर, जि. रायगड येथे उत्साहात पार पडले. या निवाराशेडमुळे भविष्यात नैसर्गिक आपत्तीच्या काळात स्थानिक नागरिकांना सुरक्षित आश्रय मिळणार असून आपत्ती व्यवस्थापन अधिक सक्षम होणार आहे. शासन नागरिकांच्या सुरक्षिततेसाठी कटिबद्ध असल्याचे मंत्री भरत गोगावले यांनी यावेळी सांगितले. या कार्यक्रमास माजी जिल्हा परिषद सदस्य यांच्यासह शिवसेनेचे पदाधिकारी स्थानिक लोकप्रतिनिधी व ग्रामस्थ मोठ्या संख्येने उपस्थित होते.