भंडारा तालुक्यातील खुटसावरी ते टेकेपार मार्गावर शुक्रवारला काही प्रवासांना व नागरिकांना पट्टेदार वाघाचे दर्शन झाले. ज्यामुळे शेतकरी, विद्यार्थी व वाहनचालकांमध्ये तीव्र भीतीचे वातावरण निर्माण झाले आहे. रस्त्यालगत घनदाट झाडी असल्याने वन्यप्राण्यांचा वावर असतोच, मात्र वाघ दिसल्याने अनेक दुचाकीस्वारांनी वाहने थांबवली किंवा मागे वळवली. पालकांनी महिला व विद्यार्थ्यांना एकटे पाठवणे टाळले आहे. वन विभागाने घटनेची दखल घेतली असून, पगमार्क्स तपासून आवश्यक ती काळजी घेण्याबाबत निर्णय अपेक्षित आहे.
