ବାଲେଶ୍ବର ମ୍ୟୁନିସିପାଲଟି: ଭୀମପୁରା ସ୍ପୋର୍ଟସ ହଷ୍ଟେଲ ଠାରେ ଏକତା ପଦଯାତ୍ରା ର ଶୁଭାରମ୍ଭ କଲେ ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ
ଲୌହ ମାନବ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ୧୫୦ ତମ ଜନ୍ମ ବାର୍ଷିକୀ ଅବସରରେ ଏକତା ପଦଯାତ୍ରା ର ବାଲେଶ୍ଵର ସଂସଦୀୟ କ୍ଷେତ୍ର ର ତୃତୀୟ ଚରଣ ସଦର ଠାରେ ଅନୁଷ୍ଠିତ।ଆଜି ସକାଳ ୮ଟାରେ ରେମୁଣା ବ୍ଲକର ଭୀମପୁରା ସ୍ଥିତ ସ୍ପୋର୍ଟସ ହଷ୍ଟେଲ ପଡିଆ ଠାରୁ ଏହି ପଦଯାତ୍ରା ଶୁଭାରମ୍ଭ ହୋଇଥିଲା।ଏହି ଅବସରରେ ମୁଖ୍ୟ ଅତିଥି ଭାବେ ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ, ସରକାରୀ ଦଳ ଉପମୁଖ୍ୟ ସଚେତକ ତଥା ରେମୁଣା ବିଧାୟକ ଗୋବିନ୍ଦ ଚନ୍ଦ୍ର ଦାସ,ସଦର ବିଧାୟକ ମାନସ କୁମାର ଦତ୍ତ, ଜିଲ୍ଲାପାଳ ସୂର୍ଯ୍ୟବଂଶୀ ମୟୂର ବିକାଶ,ADM ସୁଧାକର ନାଏକ,ଉପଜିଲ୍ଲାପାଳ ଶିବ ମାଲବ୍ୟ ପତାକା ଦେଖାଇ ଶୁଭାରମ୍ଭ କରିଥିଲେ।