કડોદરા GIDC પોલીસ સ્ટેશન વિસ્તારમાં આવેલા ‘ઇન્ડિયા વન’ (India1) કંપનીના બે પ્રાઇવેટ એટીએમને નિશાન બનાવી ચોરી કરવાનો નિષ્ફળ પ્રયાસ કરનાર ત્રણ શખ્સોને પોલીસે ઝડપી પાડ્યા છે. ટેકનિકલ તેમજ હ્યુમન ઇન્ટેલિજન્સના આધારે પોલીસે આરોપીઓની ઓળખ કરી તેમને ધરપકડમાં લીધા છે. ઘટનાની વિગત અનુસાર કડોદરાના કૃષ્ણનગર વિસ્તારમાં ગત તા. 24 જાન્યુઆરી અને 2 ફેબ્રુઆરીના રોજ વરેલી ખાતે અજાણ્યા તત્વો દ્વારા એટીએમ તોડવાનો પ્રયાસ કરવામાં આવ્યો હતો.