ସୋର: ଈଶ୍ୱରପୁର ଗ୍ରାମରେ ଜବର ଦଖଲ ଉଛେଦ କଲେ ସୋର ତହସିଲଦାର
Soro, Balasore | Nov 24, 2025 ସୋର ପୌର ପାଳିକା ଅନ୍ତର୍ଗତ ଈଶ୍ୱରପୁର ଗ୍ରାମରେ ଜବର ଦଖଲ ଉଛେଦ କଲେ ସୋର ତହସିଲଦାର। ସୂଚନା ଅନୁସାରେ ଥାନା ଛକ ନିକଟରୁ ମାଟିଆପଲ୍ଲା ଛକ ପର୍ଯ୍ୟନ୍ତ ରାସ୍ତା ସମ୍ପ୍ରସାରଣ କାର୍ଯ୍ୟ ଚାଲୁ ରହିଛି। ଏହି ସମ୍ପ୍ରସାରଣ କାର୍ଯ୍ୟରେ ଜବର ଦଖଲ ବାଧକ ସାଜିଥିବା ବେଳେ ଏହାକୁ ଉଛେଦ କରିବା ପାଇଁ ସୋର ତହସିଲଦାରଙ୍କ ନିକଟରେ ରାସ୍ତା ନିର୍ମାଣ ସଂସ୍ଥା ତରଫରୁ ଅଭିଯୋଗ ହୋଇଥିଲା। ଫଳରେ ଆଜି ମଧ୍ୟାହ୍ନରେ ସୋର ତହସିଲଦାର ଦୈତାରୀ ମଲ୍ଲିକ, ଅତିରିକ୍ତ ତହସିଲଦାର କୃଷ୍ଣମୋହନ ସିଂ ସୋର ପୁଲିସ ସହାୟତାରେ ଘଟଣାସ୍ଥଳରେ ପହଞ୍ଚି ସରକାରୀ ଜାଗାରେ ଗଢି ଉଠିଥିବା ଘରକୁ ଉଛେଦ କରିଥିଲେ।